സംസ്ഥാനത്ത് ആയിരം ഹെക്ടർ പഴത്തോട്ടങ്ങൾക്ക് ജിയോ ടാഗിങ് ഏർപ്പെടുത്തുന്നു

സംസ്ഥാനത്ത് ആയിരം ഹെക്ടർ പഴത്തോട്ടങ്ങൾക്ക് ജിയോ ടാഗിങ് ഏർപ്പെടുത്തുന്നു. കൃഷി വകുപ്പിന്റെ സബ്സിഡി ആനുകൂല്യങ്ങൾക്കായി തിരഞ്ഞെടുത്ത തോട്ടങ്ങൾക്കാണ് ആദ്യഘട്ടത്തിൽ ജിയോ ടാഗിങ് ഏർപ്പെടുത്തുക. കയറ്റുമതി സാധ്യത ഏറെയുള്ള നേന്ത്രപ്പഴം, അവക്കാഡോ, മാങ്ങ, ചക്ക, മാങ്കോസ്റ്റിൻ പപ്പായ റമ്പൂട്ടാൻ തോട്ടങ്ങൾക്കാണ് ജിയോ ടാഗിങ്ങ് ചെയ്യുന്നത്.

വിവിധ ജില്ലകളിലായി ആദ്യഘട്ടത്തിൽ ജിയോ ടാഗ് ചെയ്യുന്ന പഴത്തോട്ടങ്ങളുടെ വിസ്തൃതി ഹെക്ടറിൽ നേന്ത്രവാഴ-405, അവക്കാഡോ 25 ഡ്രാഗൺ ഫ്രൂട്ട് - 25 ചക്ക- 125 മാങ്ങ - 150 മംഗോസ്റ്റിൻ - 20 പപ്പായ - 50 റമ്പൂട്ടാൻ- 150 എന്നിങ്ങനെയാണ്. ജിയോ കോർഡിനേറ്ററുകളുടെ സഹായത്തോടെ തോട്ടങ്ങളുടെ ഭൂമിശാസ്ത്രപരമായ സ്ഥാനം നിർണയിക്കുന്നതിനോടൊപ്പം ഫോട്ടോ, കൃഷിരീതി, ഉൽപാദനം അടക്കമുള്ള വിവരങ്ങൾ കൂടി ലഭ്യമാകുന്ന തരത്തിലാവും ജിയോ ടാഗിങ് പൂർത്തീകരിക്കുക.

Content summery : Geo-tagging is being implemented for 1,000 hectares of fruit orchards in the state.