പഴമയും പുതുമയും ചേർന്നൊരു വീട്, ആരും കൊതിക്കും കേരളത്തനിമയുള്ള ഈ തറവാട് വീട്

പഴമയും പുതുമയും ചേർന്ന ഒരു തറവാടാണ് കോട്ടയം പൂഞ്ഞാറിലെ പുളിക്കൽ വീട്. 150 വർഷം പഴക്കമുള്ള പഴയ വീടിനെ അതേ രീതിയിൽ നിലനിർത്തി ലാൻഡ്സ്കേപ്പിന്റെ ഭംഗി കൂട്ടി ഒരുക്കിയ ഈ തറവാട് കണ്ടാൽ ആരും ഒന്ന് നോക്കി നിന്നു പോകും. ഗാർഡൻ മാത്രമല്ല പഴവർഗങ്ങളും, മീൻ കുളവും എല്ലാം ചേർന്ന ഈ തറവാട് വീട്ടിലെത്തിയാൽ ഒരു റിസോർട്ടിൽ എത്തിയ പ്രതീതിയാണ്. അത്രയ്ക്കുണ്ട് ഈ വീടിൻറെ ഭംഗി.

ഈ വീടിൻറെ ഉടമസ്ഥരായിരുന്ന തോമസിനെയും ടെസിയുടെയും ആശയമായിരുന്നു ഗാർഡൻ ലാൻഡ്സ്കേപ്പിംഗ്. വീട്ടുമുറ്റത്ത് 700 ഓളം ചെടിച്ചട്ടികളിലായി ഇപ്പോൾ ഓർക്കിഡും യുഫോർബിയും ബിഗോണിയേയും തുടങ്ങി നിരവധി ചെടികൾ നിര നിരയായി നിൽക്കുന്ന കാഴ്ച നയന മനോഹരം തന്നെയാണ്.