കുടുംബത്തിനായി ഒറ്റമൂലി കണ്ടെത്തി; സന്ധ്യ സംരംഭകയായി

കുടുംബത്തെ നിരന്തരം അലട്ടിയ തൊണ്ട സംബന്ധമായ അസുഖങ്ങള്‍ക്ക് ഫുള്‍സ്റ്റോപിടാന്‍ വീട്ടമ്മ കണ്ടുപിടിച്ച അപൂര്‍വ പൊടിക്കൈ വലിയൊരു സംരംഭകയിലേക്കുള്ള വാതിലാണ് തുറന്നത്. SAG AROGA HERBAL DRINK എന്ന പേരില്‍ കൊച്ചി മഞ്ഞുമ്മല്‍ സ്വദേശിനി സന്ധ്യ പുറത്തിറക്കുന്ന ഈ പ്രൊഡക്ട് നിരവധി ആളുകള്‍ക്ക് ആശ്വാസമായി മാറുകയാണ്.

ഭര്‍ത്താവിനും മക്കള്‍ക്കും വരുന്ന തൊണ്ട സംബന്ധമായ അസുഖങ്ങള്‍ക്ക് ശാശ്വത പരിഹാരം എന്ന ചിന്തയില്‍ നിന്നാണ് SAG AROGA HERBAL DRINKന്റെ പിറവി. പാരമ്പര്യമായി കൈമാറിക്കിട്ടിയ അറിവുകളഉം നിരവധി പരീക്ഷണങ്ങളും പൊടിക്കൈകളും ചേര്‍ത്തുണ്ടാക്കിയ സുഗന്ധവ്യഞ്ജന കൂട്ട് ഫലം കണ്ടുതുടങ്ങിയതോടെ, സുഹൃത്തുക്കള്‍ക്കും ബന്ധുക്കള്‍ക്കുമൊക്കെ നിര്‍ദേശിച്ചു.

എല്ലാ പ്രായത്തിലുമുള്ളവര്‍ക്കും ഒരു പോലെ ഫലപ്രദമാണ് SAG AROGA HERBAL DRINK. യാതൊരുവിധ കെമിക്കലുകളും കലര്‍ത്താതെ, കര്‍ഷകരില്‍ നിന്നും നേരിട്ട് വാങ്ങുന്ന സുഗന്ധവ്യഞ്ജനങ്ങളാണ് SAGന്റെ ഉല്‍പ്പാദനത്തില്‍ ഉപയോഗിക്കുന്നതെന്ന് സന്ധ്യ പറയുന്നു.

വര്‍ദ്ധിച്ചുവരുന്ന ഓര്‍ഡറുകള്‍ കണക്കിലെടുത്ത് ഓണ്‍ലൈനിലൂടെയും മറ്റ് വിതരണക്കാരിലൂടെയും കേരളത്തില്‍ എല്ലായിടത്തും വിപണനം വ്യാപിപ്പിക്കാനുള്ള ശ്രമത്തിലാണ് സന്ധ്യ.

കുടുംബത്തിന്റെ ആരോഗ്യസംരക്ഷണത്തിനായി സന്ധ്യ നടത്തിയ ചെറിയ ചുവടുവെപ്പ്, സംരംഭകയിലേക്കുള്ള വലിയ വഴിത്തിരിവായി മാറിയിരിക്കുകയാണ്.