'മികവിന്റെ ആട് വളർത്തൽ കേന്ദ്രം'- ശിലാസ്ഥാപനം

കർഷകരുടെ ആവശ്യപ്രകാരം ആട്ടിൻകുട്ടികളെ ലഭ്യമാക്കുന്നതോടൊപ്പം മലബാറി ആടുകളുടെ സംരക്ഷണത്തിനുമായി കേരളത്തിൽ ആദ്യമായി കേന്ദ്ര-സംസ്ഥാന സർക്കാർ സഹായത്തോടെ ആടുകൾ ക്കായി 'മികവിന്റെ ആടുവളർത്തൽ കേന്ദ്രം' തിരുവനന്തപുരം ജില്ലയിലെ പാറശാലയിലെ പരശുവയ്ക്കലിൽ സ്ഥാപിക്കുന്നു. കേന്ദ്രത്തിന് ശിലാസ്ഥാപനം ഇന്ന് വൈകുന്നേരം മൂന്നുമണിക്ക് സർക്കാർ ആട് വളർത്തൽ കേന്ദ്രം, പരശുവയ്ക്കൽ അങ്കണത്തിൽ എം.എൽ.എ, സി. കെ ഹരീന്ദ്രന്റെ അധ്യക്ഷതയിൽ കൂടുന്ന യോഗത്തിൽ മൃഗസംരക്ഷണ, ക്ഷീര വികസന വകുപ്പ് മന്ത്രി അഡ്വ. കെ രാജു വീഡിയോ കോൺഫറൻസിങ് മുഖേന നിർവഹിക്കും.